Skip to content

Uluguái:政方提議欲與賣麻仔變合法

2012/06/28

原底 ê 文章

錄音檔

U-lu-guái 政府宣佈欲捒一个將賣麻仔「去刑事化」、合法化 ê 草案,目的是為著欲限制 tsit tsūn 国內少年人當中真時行 ê「ko·-ka-in 膏」毒品。目前民眾 ê 反應有百百款。 根據《國家報》(El País [ES]),政府有欲宣佈十六項「抗 ko·-ka-in 膏」ê 步數。政方認為 ko·-ka-in 膏是真侪犯罪案 ê 起致,尤其未成年犯罪案。《國家報》報導講,「tsit ê 草案若通過,國家 tō 會 tàng 透過賣麻仔來「洗盪」毒品市場。藥頭仔 ê 利純會減一節,tiâu ko·-ka-in 膏 ê 人嘛會 tàng 改食麻仔」。《國家報》佫共人提醒講,佇 U-lu-guái,個人 tsah 麻仔、食麻仔本來 tō bē 乞與處刑。 WORLD WAR-D bolok 解說講:

According to the proposal, marijuana will be legally available under government control through a user registry and subject to quality control and traceability. Users will be limited to a maximum of 40 marijuana cigarettes per month. The price will be accessible and taxes will be levied to finance addiction treatment. 照 tse 草案所寫,欲合法來買麻仔 ê 人愛共政府登記,按呢政府會 tàng 控制麻仔 ê 發行佮品質。使用者一月日上儕會 tàng 買四十枝麻仔薰枝。價數 bē giâ 傷峘,稅金會 the̍h 去幫贊 tiâu 毒 ê 人。

TWITTER 社陣反應足猛。有人感覺是好消息:

Me levanto escuchando un discurso SUBLIME de Mujica…”proyecto de legalización de la marihuana”. Maravilloso‪ #BuenFeriado 早起一下精神 tō 聽著 Muhíkā(Mujica)總統咧演講,講欲與麻仔變合法。太 tsán ·a!‪ #BuenFeriado‬(「好節日」)

@vanecasan[ES]) 佫有人 giâu 疑講:

Con todo lo que hay que resolver y encarar, ¿es razonable embarcar al país en un debate por la marihuana? Es tiempo de hacer, presidente.

愛處理 ·ê 事志當咧儕 ka̍h,㑑煞欲先來咧討論麻仔 ê 議題?Ué,總統 ·ê,好通做一寡事志 ·alah。
 (@aamorettivp [ES])
佫:

Legalizar la venta de marihuana… Otra vez ponen el foco en cosas que no nos mejoran como pais. Enserio Pepe, deja de vender humo!

合法賣麻仔?又佫咧舞 tsià-ê 有 ·ê 無 ·ê ·hioh,國家 kám 會自按呢來進步?Pépeh(Muhíkā),真正 ·ê ·lah,mài 佫共阮創治 ·alah!
@LalaCanessa [ES])
Ah @grazianopascale [ES] 欲借問賣麻仔合法化佮國安到底有啥底志(tītāi):

La legalización de la marihuana en un “paquete x seguridad” tiene tanto sentido como promover ciclismo para combatir accidentes de aviación

賣麻仔 ê 合法化 tsit 種「国安措施」,bē 輸為著減少栽機事件來鼓勵逐个騎鐵馬:hàm 古。
麻仔通賣抑毋通賣,佇 U-lu-guái 毋是頭一擺 the̍h 出來討論 ·a。今年西曆五月初五,通世界真儕所在仝 hit 日展開 thīn 麻仔變合法 ê 遊行,Mong-te-bi-lió·(Montevideo)嘛有兩千外人出來參加。PROLEGAL / PRODERECHOS(人權組織)有提供錄影:

政方 ê 草案愛通過國會 ê 討論佮允准 tsiah 會有效,tsímmá 暫時 tō 先由網路社陣來議論 ·lo·。

Advertisements
No comments yet

发表评论

Fill in your details below or click an icon to log in:

WordPress.com Logo

You are commenting using your WordPress.com account. Log Out / 更改 )

Twitter picture

You are commenting using your Twitter account. Log Out / 更改 )

Facebook photo

You are commenting using your Facebook account. Log Out / 更改 )

Google+ photo

You are commenting using your Google+ account. Log Out / 更改 )

Connecting to %s

%d 博主赞过: